saytımıza xoş gəlmisiniz! xəbər əlavə etmək üçün qeydiyyatdan keçin....

Arıqlamaq üçün məsləhətlər

ÇapE-poçt

Doktor Ozun bu arıqlamaq məsləhətləri ilk baxışdan həddən artıq uzun gələ bilər! Ancaq inanın ki, onları təcrübədə tətbiq etməyə başladığınızda görəcəksiniz ki, heç bir şişirtmə yoxdur və onlar asanlıqla sizin gündəlik rejiminizin bir hissəsi ola bilər:

Yeməyinizi öncədən hazırlayın. Gün ərzində ne yeyəcəyiniz haqqında düşünün, bu yolla siz elə ilk baxışdaca soyuducuda gördüyünüz hər şeyi yeməyəcəksiniz. Doktor Ozun arıqlamaq məsləhəti yeməyinizi qabaqcadan planlaşdırmaqdır!

Bir fincan yulaf yarması. Doktor Oz sizə səhər çağı bir fincan yulaf yarması yeməyi tövsiyə edir, çünki o, sizə səhər vaxtı özünüzü tox hiss etməyə imkan verir, bundan sonra siz günorta vaxtı da həddən artıq aclıq hiss etməyəcəksiniz və kiçik bir çərəz kifayət edəcəkdir.

Sağlam yağlar qəbul edin. Bəli, yağlar da sağlam ola bilər. Siz sadəcə Doktor Ozun tövsiyə etdiyi kimi öz yemək rejiminizə zeytunları, qızıl balığı və qoz və fındığı daxil etməlisiniz.

Yeməyinizi buraxmayın. Əgər siz fikirləşirsinizsə ki, yeməyi ümumiyyətlə yeməmək çəki itirməyin ən yaxşı üsuludur, çünki siz yemədikcə arıqlayırsınız, tamamilə səhv edirsiniz. Sizin orqanizminiz canınızı qurtarmalı olduğunuz kaloriləri yandırmaq üçün vitaminlərə ehtiyac duyur. Beləliklə, Doktor Oz sizə yeməkdən imtina etmək yox, ağıllı şəkildə yeməyi tövsiyə edir.

Qoz-fındıq vaxtı. Qoz-fındıqları yemək çox xoşdur, sadəcə onları gözünüzün qarşısına qoyun ki görəsiniz və onları tez-tez yeyin. Doktor Oz onları suda islatmağı məsləhət görür, beləliklə də siz vitaminlə dolu başqa bir ehtiyat əldə edəcəksiniz, hansı ki bütün gün ərzində özünüzü tox hiss etməyə səbəb olacaqdır.

Qızartmaqdan qaçının. Qızartmaq bir ərzaq hazırlamaq üçün ən çox istifadə olunan metoddur, ancaq ən səmərəli və sağlam üsul deyil. Sizin bunun üçün o qədər çox alternativiniz vardır ki. Doktor Oz ərzağı sobada bişirməklə, buxarda bişirməklə, orta dəmli qazda qaynatmaqla, pörtlətməklə və yaxud suda qaynatmaqla hazırlamağı tövsiyə edir.

Ağılı şəkildə alış-veriş edin. Siz ərzaqların bazarlığını etdikdə lazım olan şeylərin siyahısını tutun, beləliklə də nəyisə axtarmayacaqsınız və gözləriniz ilişməli olmadıqları ərzaqlara ilişib qalmayacaqdır. Siz müdrik və ağıllı şəkildə bazarlıq edəcəksiniz.

Su ilə doyumlu halda qalın. Bəzən biz nəyəsə ehtiyac hiss edirik və yemək axtarışına çıxırıq, ancaq bu sadəcə susuzluq ola bilər və bir fincan su mükəmməl şəkildə bəs edər. Beləliklə də Doktor Oz sizə gün boyunca su ilə doyumlu qalmağı tövsiyə edir.

Restoranlardan yan keçin. Əgər siz restoranda nahar etməyə adət etmisinizsə, sevimli yeməkləriniz və içkiləriniz olduğundan bu, sizün üçün çətin olacaqdır. Ancaq əgər siz arıqlamaq istəyirsinizsə, Doktor Oz oralara getməyi tərgitməyi və yaxud sizin dietinizə uyğun gələn qidaları yeməyi məsləhət görür.

Çərəz qutuları. Həddən artıq aclıq hissi üçün sizin hər zaman əlinizin altında qoz-fındıq, meyvələr və yaxud doğranmış tərəvəzlər kimi sağlam ərzaqlarla dolu çərəz paketəri olmalıdır, onlar sizin aclığınızı kəsəcək və əlavə çəki artırmayacaqdır.

Qırmızı bibər (istiot) dənəcikləri. Əgər siz qırmızı istiot dənəciklərini gündəlik yeməyinizə əlavə etsəniz, xüsusən də səhər vaxtı, onlar günün qalan hissəsində sizin yeməyə olan istəyinizi dayandıracaqdır. Doktor Ozun bu tövsiyəsi həqiqətən də işləyir!

Yavaş-yavaş aramla yeyin. Siz aramla yedikdə asanlıqla və tez doyacaqsınız. Doktor Oz yemək yeyərkən söhbət etməyinizi məsləhət görür, beləliklə də bu, sizin diqqətinizi yeməkdən yayındıracaq və siz daha az yeyəcəksiniz.

Yeməkdən qabaq gəzişin. Əgər siz yeməkdən qabaq qəşəngcə və sürətlə gəzsəniz, nəsə sağlam olmayan bir şeyi qəbul etmək riski azalır, çünki sizin bədəniniz təravətləndirkcə çətin ki kalorisi çox olan nəsə yemək istəyəsiniz.

Konservləşdirilmiş qızılbalıq. Konservləşdirilmiş qızıl balıq balığın əla alternatividir, çünki onu hazırlamaq asandır və vaxtınıza qənaət edir. O, konservləşdirilmişdir, beləliklə də siz onu saxlaya bilərsiniz və təzə balıq axtarmağa getmək və vaxtınızı sərf etməyə ehtiyac yoxdur, xüsusən də əgər balığnız yoxdursa.

Kiçik boşqablar götürün. Kiçik bir boşqab götürmək və onu tam doldurmaq böyük birini götürmək və yarımçıq doldurmaqdan yaxşıdır. Kiçik boşqablar sizi az yeməyə vadar edir və bundan əlavə, siz elə hiss edirsiniz ki, sanki o qədər çox yemisiniz ki boşqabınız tam boşalıb.

Qutulardan, paketlərdən qaçının. Əgər böyük paketdə və yaxud qutuda nə isə alırsınızsa, onu açın və boşqaba qoyun və sonra yeməyə başlayın. Doktor Oz xəbərdarlıq edir ki, əgər siz birbaşa qutudan yesəniz, həddən artıq yeyəcəksiniz, çünki siz qutudakı çərəzin miqdarını görmürsünüz.

Həzm sisteminizi tənzimləyin. Yaşıl çay və çili istiotlarının köməkliyi ilə metabolizminizi sürətləndirmək yolunu tapmaq çox asandır. Onlar orqanizminiz üçün çox əhəmiyyətlidir, beləliklə bu məsləhəti nəzərə alın!

Düzgün yatın. Düzgün yatmaq sizin bədəninizdə, beyninizdə və orqanizminizdə bir çox aspektləri tənzimləyir. Aclıq hissi hətta yuxusuzluqdan da yarana bilər, beləcə Doktor Ozun məsləhəti yuxu saatlarınızı tənzimləməkdir.

Əzələlərin məşqi. Cəmi 20 dəqiqə məşq etsəniz sizin əzələləriniz çoxlu kalorilər yandıra bilər. Doktor Oz həftədə iki və yaxud üç dəfə bədənin müqavimətini gücləndirən məşqlər etməyi tövsiyə edir, razılaşın ki bu heç də çox vaxt aparmır.

Kofeinsiz qəhvə. Bəlkə də bu məsləhətin bundan yaxşı alternativi yoxdur. Kofeinsiz qəhvə sizin ərzağa olan ehtiyacınızı kəsir və sizin bədəninizi gün boyunca gücləndirir.

Maye əsaslı ərzaqlar. Yay fəsli meyvə yemək üçün və həmçinin təravətli saxlayacaq bütün növ sağlam meyvə kokteylləri üçün əla zamandır. Doktor Oz həmçinin az kalorili şorbalar hazırlamağı məsləhət görür.

Yanınızda pedometr saxlayın. Pedometr sizin kifayət qədər piyada gəzib-gəzmədiyinizi yoxlamaq üçün əla üsuldur. Doktor Ozun tövsiyə etdiyi kimi, onu taxın və gündə 10,000 addım atdığınızdan əmin olun!

Hərəkət etmək şansınızdan istifadə edin. Fəal olun və nə zaman ki piyada yeriməyə ehtiyac vardır, hətta çox qısa yol olsa belə tənbəlliyinizin əsirinə çevrilməyin. Bu, formada qalmağın ən asan yoludurş

Tərəvəz sousları. Yeməyinizə yağlı souslar əlavə etməyin əvəzinə Doktor Oz tərəvəzlərdən sous hazırlamağı məsləhət görürü, hansı ki yeməyinizə başqa bir dad qatacaqdır və eyni zamanda əlavə çəki artırrmayacaqdır.

Müntəzəm olaraq çəkinizi yoxlayın. Doktor Ozun çəki atmaq məsləhətlərinə müntəzəm olaraq çəkinizi yoxlamaq daxildir. Bu yolla siz dəyişikliyi görürsünüz və yaxud əksinə heç bir irəliləyiş olmadığını görürsünüz və bud a sizi davam etməyə stimullaşdırır. Özlərini tez-tez çəkənlər başqalarından daha sürətlə arıqlayırlar.

Darçın. Desertlərinizdə və yaxud sadəcə çayınızda bir damcı darçından istifadə etmək sizə şəkərdən istifadə etməyi kəsməyə yardım edəcəkdir. Darçın çəki atmaq prosesini daha da sürətləndirəcək.

Diqqətsiz şəkildə yeməyin. Heç fərqinə varmısınız ki, televizorun qarşısında yeyəndə və yaxud fikriniz dağıldıqda normadan artıq yeyirsiniz? Bu gerçəkdir və Doktor Ozun tövsiyəsi yemək yeyərkən bütün bu şeylərlə diqqətinizi yayındırmayasınız!

Qazlı içkilərdən qaçının. Faktiki olaraq sizi sərinləşdirməyən, ancaq daha çox susamağınıza səbəb olan bütün sərinləşdirici işkiləri tərgidin! Sadəcə adi suya keçin ki, o sağlamdır, yetərlidir və artıq çəki gətirməyəcəkdir.

Yağsızlaşdırılmış süd için. Yağsızlaşdırılmış süd səhər içmək üçün mükəmməl alternativdir! Normadan artıq çəkisi olanlar üçün yağsızlaşdırılmış süd arıqlamaq üçün böyük kömək ola bilər.

Saqqız çeynəyin. Saqqızlar gerçəkdən də iştahınızı və yemək istəyinizi kəsmək üçün məzəli üsuldur. Doktor Oz söyləyir ki, o, sizin yemək ehtiyacınızı müəyyən bir zaman üçün saxlayacaqdır.

Sağlam şəkərlər. Sizi uzun müddət şəkər yeməkdən saxlamağa ehtiyac yoxdur və həmçinin bütün gün boyunca şokolad yeməyə də ehtiyac yoxdur, siz aclığınızı püre şəklində şaftalı, giləmeyvə və yaxud armud yeyərək yatışdıra bilərsiniz.

Kiçik addımlarla başlayın. Bəzən dietə başlamaq çətindir, buna görə də siz onu bügündən sabaha saxlayırsınız. Doktor Oz idman ayaqqabılarını almaq kimi kiçik addımlar atmağı tövsiyə edir. Bu yolla siz hələ də saxlamalı olduğunuz dietə hazırlaşa bilərsiniz.

Şorbalar. Şorbalar da hər zaman nəsə yemək üçün yaxşı üsuldur. Doktor Oz az duzlu bulyonla tərəvəz və yaxud lobya şorbası hazırlamağı məsləhət görür. Beləcə siz onları bir neçə gün üçün hazırlaya və porsiya ölçülü qablarda saxlaya bilərsiniz.

Zülal. Vaxtınıza qənaət etmək üçün Doktor Oz müəyyən miqdarda toyuq filesi kimi yağsız zülal almağı və həftənin qalan müddəti üçün vaxtınız olduqda onu bişirməyi tövsiyə edir.

Hər yerdə yeməyin. Yeməyin cazibəsinə davam gətirmək üçün ən yaxşı üsul onu gözdən uzaqda saxlamaqdır. Doktor Oz sizə mətbəx və yaxud qonaq otağında yeməməyə dair xəbərdarlıq edir, yoxsa siz elə hiss edəcəksiniz ki, acmısınız.

Əylənəcək bir şeylər tapın. Bizlərdən bəziləri üçün yemək günün ən vacib hissəsidir; biz özümüz onu belə bir şeyə çevirmişik. Beləlikə, Doktor Oz musiqi, rəqs, idman və yaxud istənilən hobbi kimi digər başqa əyləncə tapmağı tövsiyə edir ki, sizi məmnun edəcəkdir və yemək üçün yer saxlamayacaqdır.

Yağsız zülal axtarın. Yağsız zülal aclığınızı başqa heç bir şeydə olmayan qədər yatızdırır, beləcə də siz hər bir yeməyinizdə ondan istifadə edə bilərsiniz. Yağsız zülal karbohidrogenlər və yaxud yağlardan daha yaxşıdır.

Həftə sonları məşq. Sizlərdən bəziləriniz həftə sonlarını istirahət etmək və müntəzəm yemək üçün günlər kimi qəbul edir və bəzən həddindən artıq yeyirsiniz! Bu əyləncələrin arasına idman etməyi də qatın ki, artıq çəki yığmayasınız!

Mətbəxi təmizləyin. Mətbəxinizdə bir qədər sağlam olmayan ərzağın olması sizi daim onun haqqında düşünməyə sövq edəcəkdir. Beləliklə, Doktor Oz mətbəxinizi və onunla əlaqədar bütün fikirlərinizi təmizləmək məsləhət görür.

Səhər yeməyini yeyin. Doktor Oz səhər yeməyini yeməyi tövsiyə edir və bu, sizin çəki atmaq və yaxud atılmış çəkini saxlamaq istəməyinizdən asılı deyil. Heç zaman günün ən vacib yeməyini qaçırmayın.

Ölçü lentiniz olsun. Hər zaman əlinizin altında ölçü lenti olsun ki, tez-tez bədən formanızda dəyişiklikləri ölçə biləsiniz. Bilin ki, qadınlar üçün o, 32,1/2 düym və ya daha az, kişilər üçün isə 35 düym və yaxud daha az olmalıdır.

Şəkərdən qaçının. Bazarlıq edərkən diqqətli olun və məhsulların etiketinin üzərində nə yazıldığını hər zaman oxuyun. Məhsulda şəkərin miqdarı 4 qramdan çox olmamalıdır.

Yeməkdən öncə alma yeyin. Bizlərdən çoxlarının yeməkdən sonra meyvə yemək vərdişi vardır, ancaq Doktor Oz onları yeməkdən öncə yeməyi tövsiyə edir. Liflə dolu bir alma sizə az yeyərək özünüzü tox hiss etməyinizə kömək edəcəkdir.

Səhər yeməyi üçün yumurtalar. Doktor Ozun dediyi kimi səhərlər yumurtaları yeməyə davam edin ki çəkini ata və yaxud artıq itirdyiniz çəkinizi saxlaya bilərsiniz.

Sifariş etməzdən öncə məsləhətləşin. Biz çox zaman vərdiş etdiyimiz yeməklərin ardınca qaçırıq, xüsusən də evdən kənarda yemək yeyiriksə. Ancaq siz hər bir menyuda bir neçə sağlam yemək və yaxud hətta sizin dietinizi əhatə edən yemək tapa bilərsiniz. Sadəcə kömək istəyin, sonra sifariş edin!

Paxlalı bitkilərdən yeyin. Paxlalı bitkilər sizin dietinizdə hər zaman olmayan ətin mükəmməl alternatividir. Ancaq paxlalılar siz dieta saxlayarkən həmişə uyğundur və yeri gəlmişkən, onlar çox doydurucudur.

Dadı və metabolizmi artırın. Bəzi dadlar vardır ki, sizi saatlarla gücləndirə bilər və böyük enerji sıxlığı yarada bilər. Beləliklə də, Doktor Oz yumurtaları və yaxud toyuğu metabolizmi sürətləndirən çili istiotu sousu ilə dadlandırmağı tövsiyə edir. Bu, dadlı və eləcə də sizin arıqlamaq prosesinizdə faydalı olacaqdır.

Sizin öz çərəz qutularınız. Doktor Oz iş yerinizdə bir qutu çərəz düzəltməyi məsləhət görür, beləliklə də əgər siz nəsə yemək istəyirsinizsə, qutu əlinizin altında hazır olacaq və həmkarlarınız da sizi özlərinin anti-diet çərəzləri ilə cəlb etməyəcəklər!

Mikrodalğalı soba. Mikrodalğalı sobadan nə qədər çox istifadə etsəniz, o qədər çox sağlam olmayan ərzaq yeyirsiniz. Bəli, bu faktdır. Ancaq Doktor Oz mikrodalğalı sobada bişirmək üçün soyalı toyuq piroqları, tərəvəz burgerləri və yaxud buxarda bişən tərəvəzləri və qəhvəyi düyünü məsləhət görür. Bu yolla siz dietinizə əməl etmiş olacaqsınız.

Dayanmayın. Görəndə ki bir qədər çəkinizi azaltmısınız, öz məşq rejiminizi eyni üsulla davam etdirməyin. Əgər gimnastika edirsinizsə, 5 dəqiqə də əlavə edin, əgər qaçırsınızsa, daha 5 dəqiqə artıq qaçın və sair!

Mayonez əvəzinə xardal. Doktor Ozdan çəki atmaq üçün başqa bir mükəmməl əvəzetmə! Siz sadəcə hazırladığınız hər bir şeydə mayonezi xardalla əvəz etməklə asanca 85 kaloriyə qənaət edə bilərsiniz!

Axşam saat 7-dən sonra yeməyin. Orqanizminizi elə öyrəşdirin ki, axşam saat 7-dən sonra heç nə yeməyəsiniz. Əgər bunu müntəzəm olaraq etsəniz, tezliklə axşam saat 7-dən sonra yeməyə ehtiyac duymayacaqsınız və bu sizin çəkinizi azaltmaq yolunuzda böyük bir addım olacaqdır.

Təzə göyərtilər. Təzə göyərtilər yeməyiniz üçün mükəmməl əlavədir; onlar sizin yeməyinizə heyranedici dad və sağlam inqrediyentlər verir. Bu, yemək bişirmək prosesini hətta xoş edir!

Duzdan istifadə etməyi dayandırın. Fast food tipli yeməklərdən qəbul etdiyiniz duzun miqdarı sizin təbii ehtiyacınız deyildir, sadəcə ona öyrəşmisiniz. Bu vərdişdən yaxa qurtaqrmaq üçün fast food yeməyini dayandırın və duza olan ehtiyacınız qaydasına düşəcəkdir.

Salatlarla başlayın. Yaxşı olardı ki, siz naharınıza bir qədər iştah gətirici salatla başlamağı vərdiş halına gətirəsiniz. Doktor Oz söyləyir ki, bu yolla siz sağlam olmayan qızardılmış yeməklərdən və yaxud souslardan qaçına bilərsiniz.

Pilləkənlə qalxın. Heç zaman yolunuzu qət etmək üçün bütün pilləkənləri qalxmaq şansınızı qaçırmayın. Əgər iş yerinizdə pilləkən vardırsa, liftdən istifadə etməyin, pilləkənlərlə qalxın, onlar sadəcə bir neçə dəqiqə vaxtınızı alacaq, ancaq siz arzu etdiyiniz bədən quruluşu üçün böyük iş görmüş olacaqsınız.

Sobada bişmiş alma çipsləri. Gəlin etiraf edək ki, biz hamımız çipsləri sevirik, lakin onları tərgitməliyik, çünki faydaları yoxdur. Ancaq Doktor Oz kartof çipslərinin əvəzinə alternativ kimi alma dilimlərini bişirməyi tövsiyə edir!

Su ilə zəngin qidalar. Yemiş və qarpız, pomidor və kərəviz kimi su ilə zəngin tərəvəzlər yeyin, çünki onlar sizə gün boyunca qəbul etməli olduğunuz düzgün miqdarda kalorilər verir. Beləliklə də, onları yanınızda saxlayın!

Avokadolar. Siz çətin ki, avokadodan daha yaxşı lif və sağlam yağlarla zəngin olan qida tapa bilərsiniz! Onlar siz arıqlamalı olduğunuz halda qida rejiminizə həqiqətən də mükəmməl əlavədir!

Şəklinizi tez-tez çəkin. Diet saxlamağa təzəcə başladığınız vaxt öz şəklinizi çəkin və tez-tez şəkillərinizi çəkməyə davam edin! Onlar sizin dəyişikliklərinizi canlandıracaq və siz bu dəyişiklikləri etmək üçün kifayət qədər güclü olduğunuz günlərdən yaxşı xatirələr qalacaqdır!

Yoqa zamanı. Siz yoqanın üstünlüklərini saymağa başlasanız, bu uzun bir siyahıya çevrilə bilər. O, dincəldici, yüngülləşdirici və rahatlaşdırıcıdır, həm də eyni zamanda vücudunuz üçün mükəmməl məşqdir! Beləliklə də siz səmərəliliyi məmnuniyyətlə birləşdirirsiniz!

Yeni sendviçlər. Sevimli sendviçlərinizdən əl çəkə bilmirsiniz? Narahat olmağa dəyməz! Doktor Oz sadəcə mayonez, pendir və üstdəki bulkanı götürməklə 250 kalori azaltmağı tövsiyə edir, hansını ki əgər siz restoranda yesəydiniz, qəbul edəcəkdiniz.

Qida qalıqlarını dərhal yığışdırın. Siz ehtiyacınız qədər boşqabınıza qoymusunuzsa, qalıqları yığışdırın. Bu yolla siz yeməyə əlavə istək hiss etməyəcəksiniz: hətta əgər siz istəsəniz, çətin ki, durub yenidən hər şeyi gətirib süfrə açasınız!

Yeməyin ortasında fasilə. Sizin heç zaman unutmamalı olduğunuz bir məsləhət vardır, bu da artıq müəyyən bir miqdar yemək yediniyizdə 30 saniyəlik fasilə verməkdir. Bu fasilə sizə imkan verəcək ki, biləsiniz siz bir az da yemək istəyirsiniz, yoxsa artıq doymusunuz.

Şərh əlavə et


Qoruyucu kod
Yenilə

Page Rank Check