Eldar və Nigar mükafat aldılar
“Eurovision-2011” mahnı müsbaiqəsinin qalibləri Eldar Qasımov və Nigar Camal Türkiyədə mükafat alıblar. Milli.Az xəbər portalının Türkiyə mətbuatına istinadən verdiyi məlumata görə, mükafat Azərbaycan təmsilçilərinə Zonquldak vilayətinin Eregli qəsəbəsində keçirilən 18-ci Beynəllaxlq Sevgi, Sülh, Dostluq Festivalı çərçivəsində təqdim edilib. Eldar və Nigar “Sevgi, sülh və dostluq mükafatı”nı almaq üçün səhnəyə Azərbaycan və Türkiyənin dövlət bayraqları ilə çıxıblar.
Qəsəbənin bələdiyyə başçısı Halil Posbıyık mərasimdəki çıxışında Türkiyə və Azərbaycan türklərinin qardaş olduğunu bildirib. “Biz tək millət, iki dövlətik. Eldar və Nigar Avropada bütün millətlərin önündə Türkiyə bayrağı ilə səhnəyə çıxaraq iki ölkənin qardaşlığını nümayiş etdirdi”, - bələdiyyə başçısı deyib.
| < Əvvəlki | Növbəti > |
|---|
11.07.11 20:58 ərzində olan dəyişikliklər 11.07.11 20:13
